the eye

هاي

هذا ديزاين the eye

العيون

حده فصله مادري ليش سويته بس انصحكم تسونه على اظفر واحد بس لول

الادوات المستخدمه :

1- صبغ اظافر ( ابيض - ازرق - اسود - احمر )

2- دبوس مال حجابات عشان نسوي دائرة البؤيؤ مال العين

3-ريشه ضعيفه او ريشة آي لاينر

الخطوات :

1-نصبغ الاظفر بلون الابيض وننطر ينشف

2-نحط نقطه صبغ اظافر ازرق بنفس الفرشه مالت الصبغ نسحب النقطه وبحركه دائريه نكبر الدائره الزرقه شوفوا السهم

3-صارت دائره زرقه بالحجم الي تبونه تنطرونه ينشف عدل

4-نييب دبوس مال الحجابات او ماشه ونحطها اب صبخ اسود ونحط نقطه بنص الدائره الزرقه

5-نيب ريشه او فرشة آي لاينر وصبغ اظافر احمر ونبدي نرسم الخطوط الحمره لايصيرون مرتبين خلو واحد طويل واحد عريض و واحط قصير

وبالنهايه يطلع معاكم جذي

مشاء الله

ما احلل النقل :)

صنعي ادوات الرسم على الاظافر بنفسج

السلام عليكم

الكل يسألني شلون ترسمين على اظافرج ومن وين شاريه عدة الرسم مالتج

والصج لاعندي عدة ولاشي كل شي موجود بالبيت و يؤدي نفس الغرض نفسه مو اي شي لأ نفسه

نبلش بأول شي

ادوات النقط

نفس هالدزاين

الادوات الي مستخدمينها

الادوات الي انا استخدمها وتسوي نفس الديزاين

دبابيس الحجابات ماكو احد ماعنده والي ماعندها تشتريها مجموعه كامله اب 100 فلس

الطريقه الحين ييبو قلم رصاص الي في مساحه هذا

غزو الدبوس بالمساحه واستخدموه للرسم تحطون صبغ الاظافر قطره منه وتحطون الدبوس فيه على حسب تبون كبيره تحطون الدبوس كله تبون صغير تحطون شوي

الاداة الثانيه الي هم تأدي نفس الافكت والنقط وموجوده عند كل البنات اهيا الماشات اييون اكثر من شكل وكبار و صغار الي يصير راسهم دائري تفتحونهم من النص وتغطونهم بالصبغ وتنقطون :)

اداة ثالثه تسوين فيها النقط الصغيره وايد قلم حبر ناشف مخلص او تشيلين منه الحبر وتستخدمينه تحطون قطره على ورقه وتحطون القلم وتغطونه بالصبغ وتستخدمونه :) وانا استخدمه ساعات الي ابي املي شي كبير بالرسمه يسهل علي

بالنسبه حق رسم الاشكال

هذي الادوات الي يستخدمونها حق الرسم و بالنسبه لي الي بتشتريها لازم تكون تنام وتقوم على صبغ الاظافر لانه مايسوى تشترينها عشان ديزاين وبين فتره وفتره تستخدمينهم لانه في اشياء ثانيه موجوده وتسوي نفس شغلهم

فرشة آي لاينر قديم مخلص ناشف الي اهوا لوول نظفيها عدل عدل بماي وصابون ومسحه اب اسيتون واستخدميها بالرسم

ماعندج فرشة اي لاينر قديم يبي فرشه صبغ اظافر قديم وناشف نظفيها وابدي قصيها من تحت من بداية الشعر مال الفرشه

وخففي شوي شوي لين توصلين للحجم الي تبينه وعرض الفرشه واخر شي تاكدي انه لمه تحطينها على الاظفر الشعر مالها مايفرش

لازم يكون لاصق يم بعض

وبس هذي ادواتي وان شاء الله كلكم عندكم هالادوات

وتستمتعون بالدروس اليايه والدزاينات

نطروني

ماحلل النسخ كلش لانه تعبت وانا اسويه وحياكم الله

pomelo

pomelo

اللون حده قوي و الجريئه تلبسه

حده عجبني

valentino couture

valentino

ماجد المهندس و مسلسل بو كريم برقبتة 7 حريم

راح ينعرض برمضان على Mbc و الوطن

tie dye Nails art

tie dye nails art

ديزاين حده سهل و فنكي

مثل ما انتو شايفين الجينز واللون شلون صاير راح اسوي نفس هالنقشه

بس اب اكثر من لون عشان اوريكم الاساس وبعدين انتوا وذوقكم

اول شي الادوات المستخدمه

1-اللون الي تحبونه انا حاطه اكثر من لون ب لازم يكون لون واحد غامج وثاني يا ابيض او فاتح حيل

2-اسيتون

3-اعواد قطن

4-صبغ شفاف

 الخطوات :

1- نحط بيس كوت كالعاده لوول لازم

2-تصبغون باللون الي تبونه طبعا انا مبدعه اهني لوول قاعده اجرب الحركه بس واللون الي تحطونه اهوا الغامج الاساس

3- نحط طبقه من اللون الابيض او لون فاتح حيل وانتو كيفكم اذا تحبون تغيرون الستايل

طبعا لازم يكون الصبغ ناشف قبل لاتحطون طبقة الابيض

4-تنطرونه ينشف عدل مره وحده وتييبون الاسيتون واعواد القطن وتمسحون الابيض بحركه خفيفه حيل بدون لاتضغطون على الاظفر حركه فوق وتحت لين ينمسح شوي من الابيض مو تمسحونه كله بس نبي نسوي الافكت

5-تحطون كوت شفاف و يطلع معاكم جذي

مشاء الله

وهذا الافكت المعروف والالوان نفسها

سويته وكنت لابسه جيينز وقميص ابيض

كان فنكي وحلو على هاللبس وهالالوان

ما احلل النقل لأي منتدى او بلوق شغلي وتصويري


 

شلون تلونين اظافرج بشكل مرتب ونظيف

هاااااااااي

بعلمكم شلون تلونون اظافركم بطريقه سهله و وبدون لا الصبغ بتكتل او يطلع بره ويخترب وتمسحونه وتعيدون

خطوه بخطوه معاي

1- نبدي اول بتنظيف الاظافر كلها اب الاسيتون و بعدين ماي وصابون و شوي سكراب عشان الجلد الميت البارز ينشال

2-نحط بيس كوت يحمي الاظفر من الصبغ و بنفس الوقت يحدد شكل الصبغ وننطره ينشف

3-نحط نقطه من الصبغ بالنص شوي يم الجلد تحت

4-شوي بحذر ننزل النقطه لي تحت شوي ونخلي مسافه صغيره الاظفر والحواف تحت

5-نسحب الفرشه لي فوق اب خط مستقيم لي نهاية الاظفر

6-نرد لي النقطه الي حطينها بالبدايه ونسحبها لي الحواف نبدي باليمين بي فوق نهاية الاظفر

ونكرر نفس الحركه على اليسار

7-بس تخلصون على حسب الصبغ تحطون طبقه ثانيه اذا يحتاج

الحين نيي حق التنظيف اذا كان في شي بره طالع

1- راح تحتاجين فرشه ميديوم عاديه مالت مكياج ماتبينها تخلينها حق التنظيف

2- مزيل صبغ اظافر ( اسيتون) النوع الي تحبونه

3- اوكي نبلش الحين نغط الفرشه بالاسيتون وبعدين خففو كمية الاستيون بالضغط على قطنه مانبي يخترب الصبغ بس نبي شي بسيط من الاسيتون

4- ونحطها على اطراف الاظفر والي نبي نمسحه و شوي شوي بدون ضغط  بشكل خفيف تمسحون بالفرشه الزايد وبس ينشال الصبغ على طول تمسحون الفرشه بقطنه عشان ماتردون تمسحون ويطلع الصبغ على الاظفر وتصير كارثه لوول كل ماتمسحون شي تنظفون الفرشه وتعيدون الخطوه

وبالنهايه تحصلون على صبغ اظافر احلى من شغل الصالونات

5- خطوه مهمه لازم بعد كل هذا ترطبون ايدكم واظافركم كل جم ساعه  اب اي لوشن تحبونه

جربوا نيفيا و فازلين احسن ماركتين بالنسبه لي

وعلى فكره طريقة الصبغ والتلوين سهله حق تسوين الايدين ثنتين لانه في بنات مايعرفون يسون الا ايد وحده والثانيه تصير اي شي
وعندي لكم شغله سحر لووول لمه بتسون الايد الثاني الي كلش ماتعرفون تضبطون الصبغ عليها كتمو نفسكم و صبغو الاظفر
لانه لمه تكتمين النفس راح يثبت جسمج وماتهتز ايدج هذي قاعده تعلمتها بالتصوير عشان نمنع الاهتزاز بالصوره
وانا اجربها على كل شي لمه احط اي لاينر لوول و صبغ و بالتصوير

جربوها وادعولي بس مو تختنقون لوول


 

اتمنى افدتكم بشي

الصور مجرد للعرض مو منتجات انا استخدمها

ما حلل اي وحده تنقل موضوعي